''Ներել ողորմութիւն գտնելու համար` այս է ճանապարհը որ խաղաղութիւն կու տայ մեր սրտերուն
եւ աշխարհին'' ըսաւ Քահանայապետը իր այսօրուայ քարոզին մէջ։
Երկուշաբթի, 17 մարտի առաւօտեան Տոմուս Սանթա Մարթայի մատրան մէջ մատուցած Սուրբ Պատարագի
ընթացքին, Ֆրանչիսկոս Քահանայապետը իր քարոզը կեդրոնացուց ''ողորմածութեան'' վրայ, հաստատելով
թէ ողորմութեան երկու յատկութիւններն են ''ինքնաճանաչումը'' եւ ''սրտի լայնութիւնը''
որովհետեւ փոքրիկ սիրտ մը անկարող է ողորմութիւն ընել։ Լայն սիրտը չի դատապարտեր, կը ներէ եւ կը մոռնայ – ըսաւ Քահանայապետը – որովհետեւ Աստուած եւս մորցաւ մեր մեղքերը։ Ողորմած կիներն ու մարդիկը լայն սիրտ մը ունին` այս է ողորմութեան ճանապարհը որ խաղաղութիւն կու տայ մեր սրտերուն եւ աշխարհին, որովհետեւ ողորմութիւնը խաղաղութեան կ՛առաջնորդէ։ ''Թող Տէրը մեզի այս շնորհքը պարգեւէ'' ըսաւ Քահանայապետը եզրափակելով իր քարոզը։
| All the contents on this site are copyrighted ©. |